KUZWAKALE ubumayemaye erenki yamatekisi eVerulam ekuseni ngoLwesithathu, ngesikhathi owesifazane osemncane, ebeletha ingane phakathi etekisini.
Kuthiwa itekisi ibilayisha erenki ngesikhathi lona wesifazane eneminyaka ewu-27, esesikwa kakhulu. Itekisi ibilayisha abantu abaya esibhedlela oSindisweni, ingakagcwali ngesikhathi esexineka kakhulu lona wesifazane.
Kuthiwa abagibeli, bakhishiwe etekisini, ngesikhathi lona wesifazane ezibelethela, ngezithuba zehora leshumi, ekuseni.
Kubizwe abezimo eziphuthumayo, bakwaReaction Unit South Africa (Rusa) abafike esezibelethele lona wesifazane, wathathwa yibona wasiwa esibhedlela lapho abevele eya khona.
Kuthiwa unina wosana nosana lwakhe, basesimeni esihle, esibhedlela oSindisweni, lapho bedluliselwe khona, ngemuva kokubelethela etekisini erenki.
CAPTION: Abezimo eziphuthumayo, bakwaRUSA- bahlola usana olubelethelwe etekisini erenki, ngaphambi kokulwedlulisela esibhedlela, oSindisweni. ISITHOMBE SITHUNYELWE.
MENZI JELE
OWESIFAZANE UBELETHELE ETEKISINI ERENKI.
