UBONGE uKhomishana wamaPhoyisa waKwaZulu Natal uLt Nhlanhla Mkhwanazi, uBrigadier Dineo Mokwele, ngemuva kokuhoxiswa kwamacala abebhekene nawo nabanye abebesolwa nabo okukhona kubona neNhloko yoPhiko lwezobuNhloli emaphoyiseni General Dumisani Khumalo.
UMokwele obesolwa ngokuqashwa ngokuqashwa ngokungemthetho emaphoyiseni uchaze izinyanga eziyisikhombisa ebhekene naleli cala njengezibe nzima kakhulu empilweni yakhe. Uthe uyabonga ukuthi ekugcineni ubulungiswa yibona obuphumelelile.
Uthe bekungelula nokuya nasemsebenzini njengoba bekumele ame isibindi abhekane nozakwabo nomphakathi jikelele kwazise bekukuningi obekubikwa ngaye ngalesi sikhathi.
Uthe ubonga uMkhwanazi ngokubeka impilo yakhe engcupheni ngokuphumela obala ngamanyundululu abeqhubeka ngaphakathi kwinhgalo yomthetho.
Uthe kungena yesibindi sakhe sokuphumela obala ukuthi bakwazile ukuthi bathole ubulungiswa ngamacala ebebebhekene nawo.
Uqhube ngokuthi ume bekungekona ukwenza kukaMkhwanazi akazi noma bebezogcina belahlwa ngamacala bugcine bungavelanga ubulungiswa.
UMokwele uphinde wabonga umndeni wakhe nabo bonke abamesekile ngalesi sikhathi ebhekene nala macala.
Uphinde waveza ukuthi nakuba leli cala seliphelile kodwa akuphelile ngalo njengoba esazohlala nethimba labameli bakhe ukubheka indlela eya phambili.
Ngakolunye uhlangothi uKhumalo ushaye ngamafuphi waveza ukuthi uzimisele ukuqhubeka nomsebenzi awuqashelwe ukuvikela abantu baseNingizimu Afrika.
Ukuhoxiswa kwala macala kulandela ubufakazi obuvele kwiKhomishini kaMadlanga lapho kuvele khona ukuthi kube uphiko oluphenya ngenkohlakalo i-IDAC labophela amanqina enyathi ezinye izikhulu zamaphoyisa.
Kule khomishini kwavela ukuthi kwaba netulo lokubheca ngobende inyama bengayadlanga ezinye izikhulu zamaphoyisa okukhona uKhumalo, uMokwele nezinye.
