LIHLEHLISELWE umhla ka-13 wenyanga ezayo uNhlaba icala elethweswe uMkhuzi wamaPhoyisa kuzwelonke uJenene Fannie Masemola.
Ubhekene namacala amane athinta ukwephula umthetho olawula ukusetshenziswa kwemali yomphakathi mayelana nokukhishwa kwethenda ka-R360 million eyanikwa inkampani iMedicare24 kaMnu Vusimuzi “Cat” Matlala.
UMasemola ubevele kafushane eNkantolo yeMantshi yasePitoli namuhla ngoLwesibili. Umbuso uthi uphenyo ngalolu daba seluya emaphethelweni kanti uMasemola , uma esebuyela enkantolo, uzoshushiswa noCat Matlala, nabanye asolwa nabo kuleli cala.
Ekhuluma nabezindaba ngaphandle kwenkantolo, umkhulumeli wamaphoyisa kuzwelonke uBrigadier Athlenda Mathe uthe amacala abekwe uMasimola aphonsela inselelo ubuqotho nokwethembeka kombutho wamaphoyisa. Uthe akukho muntu ongaphezulu komthetho, ngisho kungathiwa unasiphi isikhundla.
