Ukwesekwa wumndeni yikho okumnika amandla nesibindi ukuthi aqhubeke nomculo uRose omatasa nokuphusha ingoma yakhe entsha iVuya Ntliziyo apike kuyo uMaster Dee.
“Ngiwumuntu othanda umndeni wakhe. Ngiphilela umama, umfowethu nendodakazi yami eneminyaka emine. Yilapho engithola khona amandla okuqhubeka nomculo ngoba bakholelwa kakhulu kimi futhi bangeseka ngendlela eyisimanga,” kusho uRose ogamalakhe langempela uLikho Zinyana.
Uthe uthathe yonke imali abenayo ekhipha umculo ngakho usenethemba lokuthola inkampani ezokwenza izinto zibe lula kuye.
Lo mculi (35) wamapiano uthe yize engumuntu onamahloni kodwa umculo umenza avuleleke. Ngomculo ukhuluma ngadlule kukho nasazifisela ukukuzuza.
“Umculo wami kahle hle yi-Afro Pop kodwa ngenxa yendlela oshintsha ngayo sengiphinde ngenze amapiano. Njengomculi ngivuleleke ukusebenzisana nanoma owenza hlobo luni ngoba ngike ngenza neRnB.”
