UMCULI wama-piano, uScotts Maphuma uthi usekhathele ingcindezi yodumo, akasakwazi ukufana nabanye abantu. Le nsizwa yaziwa ngezingoma ezishisayo phakathi kwazo okubalwa ethi Yebo Lapho, Shay’moto, Amalunde nezinye. Ekhasini lakhe lezokuxhumana ubhale ukuthi akasiyo imali, ngakho-ke akalindele ukuthandwa yiwo wonke umuntu.
“Angikwazi ukubhekana nento yokuthi angisenayo impilo yangasese. Angisakwazi nokuya e-mall ngithenge izicathulo nokuyinto ebengiyenza eminyakeni eyedlule- manje sekumele ngicabange ukuthi kunabazofuna ukushutha nami. Kulungile anginankinga uma kuyisithombe, kodwa angikwazi ukuthi ngibe uScotts Maphuma umzuzu nomzuzu. kanti ngiyoba nini yimina?”
Uthi abantu baseNingizimu Afrika kabandaba nabo bengosaziwayo. “Kungabe usezinhlungwini noma kawukho esimweni somoya esihle, kungaba yinoma yini. Akusikho ukuthi ngihlezi ngisestudiyo ngenza umculo. Kungani kumele ngikuqonde ngasosonke isikhathi ukuthi labantu bangabalandeli bami. Umuntu umtshele ukuthi namhlanje angithandi ukushutha isithombe, bakuthathe ngokuthi uluhlaza. Manje kumele nginike abantu isikhathi ngenkani ngenxa yokuthi ngiyilomuntu engiwuye? Ngiyaxolisa, ngikhanseleni South Africa – mhlawumbe nizongishayisayisa ngomoya,” esho.
