ISIMO sezulu esibi endaweni yaseMpofu ngaphansi kukaMasipala waseMlalazi sidlule nomphefumulo womfana oneminyaka ewu-6 ubudala.
Kubikwa ukuthi uBanele Mpungose ushaywe umbani ehleli nomndeni wakhe kubo endlini karawondi ngesikhathi ubhonga emswaneni ngokushonelwa ngekinye ilungu lomndeni eselikhulile.
Isitatimende sikamasipala siveze ukuthi isigxobo sikarawondi siwele ekhanda likaBanele walimala kanzima.
Siveze ukuthi ushonele endleleni ebheke esibhedlela. Kubikwa ukuthi amalande amalungu alo mndeni wakwaSishi athola ukwelashwa esibhedlela.
IMeya kaMasipala waseMalazi uNkk Queen Xulu udlulise amazwi enduduzo kulo mndeni wabe esenxusa amalungu omphakathi ukuba aqaphele ezindawe ohlala kuzo ikakhulukazi uma zinobungozi bezinhlekelele.
UNkk Xulu uveze ukuthi uzobambisana nalo mndeni ngenhloso yokuwusiza neminye imindeni ethintekile ngenxa yalesi simo sezulu esilokhu siqhubekile ngaphansi kwalo masipala.
Kubikwa ukuthi isimo sezulu kulindeleke ukuthi siqhubeke kuze kushaye uLwesithathu njengoba kunezimvula ezingadala omkhulu umonakalo zilimaze nengqalasizinda.
