KUBHEKWE ukuthi uqhamuke nomhlahlandlela wenkulumo yesizwe ezokuwethulwa ngumengameli umhlangano wongqongqoshe abangaphansi kukahulumeni wenhlanganisela (GNU) ozothatha izinsuku ezimbili.
Lo mhlangano obizwa ngeCabinet Lekgotla uqala ngoLwesithathu ePretoria njengoba kulindeleke ukuthi uphothulwe goLwesihlanu.
Uqhamuka ngemuva kwesonto uMengameli Cyril Ramaphosa esayinde umthetho wokubuyiselwa komhlaba.
URamaphosa usayinde lo mthetho ngoLwesine eledlule njengoba kunenge inqwaba yamaqembu adlelana nawo kwi-GNU ikakhulukazi iDA ephumele obala ngokungahambisani naye ngalokhu.
Kubikwa ukuthi lo mhlangano weLekgotla yiwona ozoba wumhlahlandlela wokuyaphambili kulo nyaka njengoba kubhekwe ukuthi amaqembu angaphansi kwe-GNU abambisane futhi asebenzisane.
