UPHOXEKILE ngesenzo somphakathi wakwaMusi uNgqongqoshe wamaphoyisa uMnu Senzo Mchunu sokungalubhadi emhlanganweni wokudala ukuthula kule ndawo.
Impi yakule ndawo isiqhubeke isikhathi eside njengoba isidlule nemiphefumulo eminingi.
UMchunu ekhuluma namuhla eSihlahla seNkosi High school nokuyilapho kwagwazwa khona umfundi kwagcina sekukapekela ezindawene ezakhelene nayo.
Ekhuluma nabezindaba uthe uphoxekile ngalokhu.
“Sihlanganile nomphakathi wasoNyango wakhombisa ukuthi uzimisele ngokudala uxolo.
Sizobuya sihlele olunye usuku ngoba esikufunayo wukuba kudaleke ukuthula kulezi zigodi.
Uma kumele sikhulume siqimbile ukuze basizwe sizokwenza njalo ngoba inhloso yethu ukuba abantu bakithi baphile.,” kusho uMchunu.
UMfu Thulasizwe usole Induna yakwaMusi uMnu Maphi Zondo ngokuba yixoki okwenze abantu bangafika.
Kuphinde kwasolwa noNksz Noma Mbatha ngokuba ungqo shishilizi ekuvimbeni umphakathi.
