BHEKI NDLOVANA
UZOTHOLA ithuba lokukhala kuMengameli Cyril Ramaphosa (osesithombeni) umphakathi waseThekwini namaphethelo embizweni ezokuba sezinkundleni zemidlalo eMnini, eMgababa, ngoLwesihlanu.
Le mbizo iyingxenye yochungechunge lwezimbizo zikamengameli, lapho ehambela khona zonke izifundazwe ukuzwa izikhalo nezimvo zamalungu omphakathi ngezinto ezithinta ukuhlinzekwa kwezidingo.
Uzobe ehambisana nethimba longqongqoshe okulindelwe ukuba baphendule kwezinye zezikhalo zomphakathi.Â
Kulo hulumeni omusha wobumbano lwamaqembu ehlukene, ngeyesibili le mbizo njengoba eyokuqala yayingoNcwaba (August) eTsakane, eGauteng.Â
Ngonyaka odlule uRamaphosa ube nembizo efanayo eMnambithi. Kuleyo mbizo umphakathi wakhala kakhulu ngenkinga yamanzi, wukucishwa kukagesi nokushoda kwengqalasizinda yezokuxhumana ngomakhalekhukhwini, eyenza kube nzima ukuxhumana. Â
