UMPHATHI obambile waseMangosuthu University of Technology uSolwazi Rushiella Songca, wethule osekwenzekile ezinsukwini eziwu-100 engenile kulesi sikhundla emuva kokumiswa komphathi wenyuvesi ngezinsolo zenkohlakalo nyakenye.
Kulo mcimbi wezinhlaka eziphezulu zenyuvesi obuseMangosuthu namhlanje ngoLwesihlanu, umemezele ukuthi inyuvesi isikwazile nokuthola imali engango R58.8 Million emnyangweni wezemfundo ephakeme ngaphansi kohlelo olubizwa ngeSbusiso Bhengu Development Programme.
Uthe lolu xhaso luhambisana nosomqulu wenyuvesi ezibekele wona wokuthi kufike unyaka ka-2030 sekwenzeke ushintsho olukhulu enyuvesi okubalwa ukuthuthuka kwayo kwingqalasizinda , ezokufunda nokufundisa.
