UNGQONGQOSHE wezokuBusa ngokuBambisana nezoMdabu KwaZulu-Natal uMfu Thulasizwe Buthelezi uvakashele ebandleni laseNazaretha eBuhleni eThekwini namhlanje eyobheka isimo njengoba lelibandla lehlelwe umshophi ngesonto eledlule kwabhidlika isakhiwo esilimaze abantu abawu-7 bakuleli bandla.
Ngaphambi kokuba ahlangane nabazalwane, uqale wabanomhlangano nomholi walelibandla uMnu Mduduzi “UNyazi Lwezulu” Shembe. UMfu Thulasizwe Buthelezi ufike nezipho zegilosa yokudla, nezingubo zokulala wakudlulisela kubazalwane.
Uveze ukuthi inhloso yokuvakashela ibandla kungenxa yokuthi umnyango wakhe ubhekelela izimo zabakhahlezekile ngokwezinhlekelele. Amanazaretha asenkonzweni kaNtulikazi (July) inyanga yonke.
mthobisis@ilanganews.co.za
