KUTHIWA bekade ephethwe yikhanda uZamaweza “Zulu Glamour” Mthalane oshone izolo ebusuku kwashaqeka umkhakha wezikaqedisizungu ikakhulukazi endimeni yomculo kamaskandi.
Lentokazi ebisizakhele udumo endimeni yomculo wesintu. Abaningi bazomkhumbula ebambe iqhaza kuSigiya Ngengoma ememezela imicimbi yabaculi, nasohlelweni lomculo obelusakazwa wuTshatha Ngobe noNtombee Mzolo kuMzansi Magic Music, iYash’Ingoma.
UZulu Glamour udabuka eMabomvini, KwaMaphumulo, uphinde wagqama kakhulu ohlelweni iMasikandi Friday kwiPodcast yoMbuso Wamaciko exoxisana kabanzi nabaculi ngemvelaphi yabo yomculo.
Uphathile izinhlelo emcimbini emikhulu yesintu okubalwa iNgoma kaZwelonke, iMpucuzeko, Gcwalisa All White Spring Picnic neminye.
Mthobisisis@ilanganews.co.za
