NONHLAKANIPHO SHINGA
UZOJABULA nabalandeli bakhe ngedili lomculo azolenza kwiYoutube, ngoLwesine uRingo Madlingozi (osesithombeni) emuva kokuba ngesonto eledlule ehlonishwe ngabeSouth African Music Awards, ngeLifetime Achievement Award. Uhlonishwe ngenxa lakhe emculweni nasekukhuliseni abanye abaculi abangemuva kwakhe.
URingo usenama-albhamu awu-15, kunengqwaba yabaculi asebenze nayo. Umculo wakhe kawuthakaselwa nje eNingizimu Afrika kuphela, uyathandwa nakwamanye amazwe.
“Lokhu ngikwenzela abalandeli bami nomndeni wami. Ngingajabula kakhulu uma bengaba khona sizobonga le ndondo,” esho.
URingo – osanda kumemezela ukuthi useshiyile kwi-EFF, abeyilungu layo ephalamende – waziwa ngezingoma okubalwa kuzo iSondela, Into Yami, Ngiyagodola, Vuka, Baleka, ne-Eyakho.
nonhlakaniphos@ila-nganews.co.za
