ZIYAQHUBEKA nokumhambela kahle izinto umlingisi waseNingizimu Afrika osezinze phesheya kwezilwandle uThuso Mbedu osanda kuthola indawo ephambili emdlalweni iTask.
UThuso odabuka eMgungundlovu uzolingisa kulo mdlalo nozakwabo oke waqokwa emcimbini wokuklomelisa we-Oscar yMark Ruffalo.
Kulindeleke ukuthi lo mdlalo uqale ukukhonjiswa ngoSeptemba nonyaka lapho ezodlala khona indawo kaSergeant Aleah Clinton.
Lo mdlalo oneziqephu eziyisikhombisa uzokhonjiswa esiteshini se-internent esingaphansikweMultichoice iShowmax.
Usungulwe wabhalwa nguBrad Ingelsby owaziwa ngomdlalo iMare Of Easttown.
Lo mdlalo okuzobonakala kuwona uThuso ugabe ngabanye abalingisi asebezakhele igama emhlabeni okubalwa kubo uTom Pelphrey, Emilia Jones, Raúl Castillo, Jamie McShane, Sam Keeley, Fabien Frankel no-Alison Oliver.
Uqale ukuzakhela igama phesheya kwezilwandle ngemuva kokuthola indawo emdlalweni osuselwa encwadini kaColson Whitehead iThe Underground Railroad.
Uke wabonakala nakwifilimu yodumo iWoman King lapho ayelingisa khona nenkakha yomlingisi uViola Davis nabanye okubalwa kubo uLashana Lynch, Jayme Lawson John Boyega,Jordan Bolger nabanye.
