UBE yiqhawe leMamelodi Sundowns uPeter Shalulile ezakhe zibuya sekuvalwe amehlo, zinqoba ngo-2-1 iManiema Union yaseDR Congo koweCaf Champions League namuhla ngoMgqibelo.
Ziye ekhefini amasandawana elandela ngemuva kokuba uKitambala Bola eshayele osokhaya igoli ngomzuzu ka-38.
UShalulile oqale umdlalo ebhentshini ungene ngomzuzu ka-78, walibhakuzisa enethini ngekhanda, ngomzuzu ka-83, kwaba wu-1-1.
Shalulile loyo futhi ofake ukushisa sekusele amanenjana umdlalo uphele, okuholele ekutheni ugwaze ekhaya Umkhonto ka-Exaucia Moanda sekusele umzuzu owodwa kwewu-6 ebiyengeziwe.
