KUVELA ezimnandi ekhempini yamaZulu FC ngabadlali abasanda kuwajoyina uBongani “Ben 10” Zungu noSandile Mthethwa. Kuthiwa laba badlali bakulungele ukubhekana nomkhaya iLamontville Golden Arrows koweBetway Premiership ngoMgqibelo ngo-15h30 eMoses Mabhida Stadium, eThekwini.
Kuthiwa sekusele kubaqeqeshi ukuthi bayababophela yini esikimini. U-Arthur Zwane ongomunye wabaqeqeshi boSuthu, uthi okumqoka kubona njengoba beya kulo mdlalo womkhaya ngamaphuzu amathathu, kwazise basekhaya.
“Siyabazi lapho benamandla khona nalapho bebuthaka khona. Kufanele sibulale lokhu abanamandla kukhona bese sisebenza ngalokhu abangenawo amandla kukhona,” kusho uZwane.
