ABATHANDI beKaizer Chiefs baKwaZulu-Natal bazozitika ngomdlalo wale kilabhu neRed Arrows yaseZambia, womlenze wesibili wokuhlungela isigaba samaqoqo seCaf Confederation Cup, ozokuba ngoLwesihlanu lomhla ka-23 ku-October ngo-18h00 eMoses Mabhida Stadium.
Amathikithi okubuka lo mdlalo abiza u-R80, kanti aseqalile ukudayiswa eComputicket nasezitolo zakwaShoprite/Checkers ezweni lonke.
Kwenzeka lokhu nje, asedayiswe wonke amathikithi okubuka iChiefs igadulisana ne-Orlando Pirates koweBetway Premiership ozokuba ngoMgqibelo womhla ka-31 wale nyanga ngo-15h00, eFNB Stadium, eSoweto.
