NONHLAKANIPHO SHINGA
UYAQHUBEKA nokugasela ezitolo ezisebenzela edolobheni uMtubatuba nasemakhaya uMasipala Inkosi uMtubatuba ukuhlola ukuthi imikhiqizo edayiswayo isesimeni esifanele futhi nezindawo okudayiselwa kuzo zisesimeni yini.
Ngokusho kwemeya, uMnu Mxolisi Mthethwa, lokhu kwenzelwa ukuqinisekisa ukuphepha kwabantu nokuthi amabhizinisi adayisa imikhiqizo elungile futhi ezindaweni eziphephile.
“Sihambela zonke izitolo. Inhloso enkulu wukuqinisekisa ukuthi ibhizinisi nebhizinisi kalibeki impilo yabantu engcupheni jengoba sekube nezigameko eziningi okubikwe ukuthi zidalwe yimikhiqizo edayiswayo noma izakhiwo uqobo,” kusho yena.
Kuzokhumbuleka ukuthi ngenyanai edlule kuke kwagula abafundi abawu-41 besikole esisodwa saseMtubatuba, obekusolwa ukuthi badle ama-chips esikoleni.
