UPHIKO lwamaphoyisa iProvincial and Crime Unit lugasele emzimi kangqongqoshe wamaPhoyisa omisiwe, uMnu Senzo Mchunu lwayophenya umuzi wakhe okwaZulu-Natal kwathathwa nomakhalekhukhwini.
Amaphoyisa kuthiwa afike nencwadi egunyaza ukuthi kuseshwe umuzi wakhe ayinikwe iNkantolo eNkulu yaseGoli. UMchunu usolwa ngokusebenzisana nezigebengu, okuyinto ayiphikayo.
Lesi sigameko siqinisekiswe ngokhulumela amaPhoyisa kwaZulu-Natal, uColonel Robert Netshiunda. Uthe ukuphenywa kwakhe kunguhlelo olujwayelekile lapho amaphoyisa esuke ethole incwadi enkantolo ukuthi kuyophenywa umuntu.
“Uphenyo luyingxenye yamacala avulwa ngo-2025 esiteshini samaphoyisa iDurban Central, lapho uMchunu esolwa khona ngenkohlakalalo kwamanye awo,” esho.
Okhulumela uMchunu, uMnu Sthembiso Mshengu ukuqinisekisile ukuthi amaphoyisa athethe nomakhalekhukhwini wakhe one-IMEI number ebibhalwe encwadini egunyazwa ukuphenywa komuzi wakhe.
Uthe njengomuntu owuhloniphayo umthetho uMchunu uzinikele yena amaphoyisa umakhalekhikhwini wakhe ngokulandela umyalelo wenkantolo ebigunyaza ukuthi uthathwe.
Ngokusho kukaMshengu bese kungokwesibili kuphenywa uMchunu ngalolu hlobo njengoba nasekuqaleni kwenzeka kodwa izinto ezathathwa ophenyweni lokuqala azikakabuyiswa. Lezi zindaba uthe uMchunu uzokhuluma ngazo emasontweni azayo.
