PHUMLANI GAMA
UKHALELWE ngamasongo kaSigonyela owesilisa obanjwe ngamaphoyisa ethengisela abafundi ugwayi oluhlaza ngaphandle kwamagceke esikole eLamontville, eThekwini, ngoLwesithathu.
Kuthiwa lo mlisa ucushelwe umgoga ngamaphoyisa ngemuva kokuba ethole umkhondo ngesenzo sakhe, amthola engaphakathi esikoleni, ethengisa khona, enabafundi abayishumi abebeyothenga kuyena.
Okhulumela amaphoyisa KwaZulu-Natal, uLieutenant-Colonel Robert Netshiunda, uthe umsolwa kulindeleke ukuba avele maduze eNkantolo yeMantshi yaseWentworth ngecala lokutholakala nezidakamizwa.Â
“Kubafundi abayishumi (aficwe nabo), abawu-8 bekungamantombazane. Bonke abafundi badedelwe ngesexwayiso esinzima, phambi kwabazali babo,” kusho uNetshiunda.
