BAQOKE ukuthelelana amanzi, baqhubeke nokusebenzisana ohlelweni olukhonjiswa kwi-SABC 1, Ingono yoMsamo
uSolwazi uVelaphi Bhedlindaba “VVO” Mkhize, nophrojusa walolu hlelo, uMnu Nkululeko “Legend” Manqele, abebenoku-ngaboni ngasolinye ohlangothini lwezemali.
Lokhu kuza ngemuva komhla-ngano obuphakathi kukaMkhize noManqele, emzini kaMkhize, eMlambomunye, ngaphandle kwaseMgungundlovu ngoLwesi-bili.
ILANGA labika ngokungaboni ngaso linye kwabo ngonyaka odlule, ngemuva kokuba uMkhi-ze esole uManqele ongumnikazi wenkampani iBarleader Produ-ctions, ‘ngokunqwaha’ nemali yakhe elinganiselwa ku-R259 000 yeziqephu zesizini yesibili yeNgono yoMsamo.
UMkhize waveza ukuthi uManqele wamkhokhela imali yesiqephu esisodwa, okwathi uma elandelela sekuphela isizini, wamtshela ukuthi enye imali ibhajwe eSABC.
Ngalesi sikhathi uMkhize wayeshaya phansi ngonyawo, ethi akazimisele ukuphinde asebenzisane noManqele.
UManqele wakuqinisekisa ukuthi imali akakamniki uMkhi-ze, wabalula ukuthi inkinga ikwaSABC.
NgoLwesibili uManqele utshele ILANGA ukuthi ubone kufanele ukuthi azehlise ku-Mkhize, bazame indlela yokulu-ngisa izinto, kuqhutshekwe nohlelo njengoba lukhombisa ukwenza kahle ngokwababukeli.
“Namuhla bese sizoqinisekisa ukuthi siyaqhubeka nokusebe-nzisana.
“Ubaba uMkhize ngaxhumana naye ngoZibandlela (December) wonyaka ophelile, ngakhuluma naye njengendodana ikhuluma noyise, ngazehlisa.
“Sabe sesihlela ukuhlangana ukuze siqhubeke nomsebenzi njengoba iNgono yoMsamo ifu-ndisa abantu abaningi ngomsebenzi wakhe, nangezindlela abangasizakala ngazo.
“Ngiphinde ngamtshela izi-ndaba ezinhle zokuthi uhlelo luqokiwe kumaSouth African Television and Film Awards, ngaphansi kwe-Best Educational Programme.
“Ngingakuqinisekisa ukuthi amageja azobuyela ensimini, siqhubeke siqophe isizini yesithathu yohlelo,” kusho uManqele.
UMkhize utshele leli phepha-ndaba ukuthi uManqele uzehlisa nje, wayesevele enalo uhlelo lokuthi bathelelane amanzi.
“Ngaphambi kokuba angithi-nte, ngasenginalo uhlelo lokuba sibuyisane. Ngabona kufanele ukuba siqhubeke nohlelo, nje-ngoba lungenye indlela engiyi-sebenzisayo nefinyelela kalula ebantwini, ukukhombisa umsebenzi wami wokwelapha.
“Phezu kwalokho, ihlazo loku-ngalungi kwale ndaba beliyosala nami njengoba kuyimi omdala. Kungithokozisile ukuthi useze wafika lapha (uManqele), sayidlulisa indaba, umsebenzi uzoqhubeka, abantu mabalinde-le isizini yesithathu yohlelo,” kusho uMkhize.
ngubo@ilanganews.co.za
