INKAMPANI ehlinzeka ngogesi kuleli i-Eskom isimemezele ukuthi kubuya isigaba sesibili sokucishwa-kongiwa kukagesi (loadshedding) kusukela namuhla ngoLwesithathu kusihlwa.
Ngokwesitatimende esikhishwe yile nkampani, isigaba sesibili sizoqhutshwa kuze kube wu-05 kusasa ekuseni ngoLwesine.
“Nakuba sesihambe igxathu elibonakalayo ukubuyisa iziphehli ebezingasebenzi, i-Eskom ilahlekelwe ngama-unit amahlanu namuhla ntambama.
“Siyaqhubeka nokubeka phambili ukunakekelwa kweziphehlimandla zethu ukuze sikwazi ukwethembela kuzona ngesikhathi sobusika,” kusho i-Eskom.
