BANGENISWE esibhedlela eNquthu ezintatha namhlanje abaculi bakamaskandi abalimale engozini yemoto.
Ngokuthola kweLANGA, uLusanda “IBhova Elincane” Khumalo noSkhenqe Biyela, basinde kukubi kuphaphalaza imoto ebekade behamba ngayo, yayophonseka ngaphandle komgwaqo. Balimale beya emcimbini obuhlelwe yiMfezemnyama.
Ngokusho kukaLusanda, uthi endleleni bagibeze abantu abathathu abacele usizo lwezinyawo ezilula. Uthi oyedwa walaba abebebagibezile oshonele endaweni yesigameko.
mthobisis@ilanganews.co.za
