ISIKHULU esiphezulu se-Eskom uMnu Dan Marokane sixwayisa izakhamizi zase-Ningizimu Afrika ngamathuba okubuya kwe-loadshedding kule mpelasonto ngenxa yokuhluleka kweziphehlimandla ze-Eskom ezisezimteshini ezintathu.
Kuzokhumbuleka ukuthi skuyizinyanga ezingaphezu kweziwu-10 i-loadshedding yama, yize kwezinye izingxenye zezwe bekuqhubeka uhlelo lokucisha ugesi ngenhloso yokuvikela ama-transformer athwele imithwalo imikhulu ngenxa yokuxhunywa kukugesi okungekho emthethweni kuwo, i-load reduction.
“Lokhu kuzoba isikhashana, kuningi osekuthuthukisiwe kwiziphehli zethu. Kodwa kulezi zzinsuku eziwu-7 ezedlule sibenenkinga kwafa ezinye zazo (iziphehli) nosekuthathe isikhathi esithe xaxa ukuzilungisa.
Lokhu sekwenze sasebenzisa cishe wonke amandla ebesiwagcinele izimo eziphuthumayo, okungenza sifake isigaba sesi-4 se-loadshedding kulempelasonto,” esho.
