ABAKWAGEMS okuyinhlangano yezempilo (Medical Aids) babaziqhenya ngokuba usizo kwiComrades Marathon.
IGems isebenzisana neComrades Marathon ukusiza abasubathi abaya kwiComrades Marathon ngendawo yokulala (Runners Village).
IComrades Marathon yanonyaka izokube ngeSonto isukela eThekwini isongwe eMgungundlovu kanti kuzokube kuwumjaho ka-99.
IGEMS ingena kwiComrades ngokusiza abasubathi abaswele ngendawo yokulala kusuka ngoMgqibelo nangeSonto ngemuva komjaho kwazise umjaho uphela sesihambile isikhathi, abanye abasubathi basuke benganazo izinto ezizobathatha zibayise emakhaya.
UDr Vuyo Gqola oyiChief Operations Officer ((COO) utshele ILANGA ukuthi bajabule ngokusebenzisana neComrades Marathon ukusiza abagijimi abantulayo.
“Phambilini abagijimi bebelala emgwaqweni ngenxa yokuswela imali yokukhokhela amahotela nokunye. Sibe sesingenelela njengenhlangano esebenzisana nabasebenzi bakahulumeni ukuba sisize nge-runners village.
“Sisiza labo basubathi abangenayo indawo yokulala. Sibanika ukudla, indawo yokulala ephephile nakho konke abangase bakudinge ukuze nabo bazizwe bengabantu. Bafika ngoMgqibelo baze bahambe ngoMsombuluko.
Kubasubathi abawu-22 000 abangenele iComrades kwiVillage sinabawu-800 kuya ku-1000 esizobasiza kulo mjaho.
Nangonyaka ozayo sizokube siyingxenye yayo i-runners village,” kusho uDr Vuyo oqhube wathi bajabule ngokufaka isandla kulo mjaho.
SiyiGems siyaziqhenya ngemuva kokuba omunye wabagijimi ababelele eRunners Village uuNjabolu Mdletshe ogijimela iBlack Diamond wangena unombolo 16 kwiComrades.
UKuba wayelele emgwaqweni kwakuzokuba nzima kakhulu kuyena. Nginethemba lokuthi ukhona umgijimi ozokwenza kahle,” kuphetha uDr Vuyo.
