Home 9 Featured 9 Ahoxisiwe amacala okubulala kosezokuba ngufakazi wombuso

Ahoxisiwe amacala okubulala kosezokuba ngufakazi wombuso

by Skhosiphi Mthembu | 18 December 2024

NGABAFI uNkz Zizipho Gabisa noNkz Anele Mbokazi ababulawa ngokudutshulwa.

AHOXISIWE eNkantolo yeMantshi yaseThekwini amacala koyedwa wabammangalelwa ecaleni lokubulawa kwabesifazane ababili baseRiverview, eVerulam.

UMnu Sandile Chili (44) ubengaphandle ngebheyili ecaleni lokubulawa kukaNkz Anele Mbokazi noZizipho Gabisa, izidumbu zabo ezatholwa zinamanxeba okudutshulwa, eKenville, eThekwini, ngoNcwaba (August) kuwona lo nyaka.

UChili ubeboshwe noMnu Lungani Mthethwa (38), yena ongummangalelwa wokuqala. Umbuso uveze ukuthi iyawhoxisa amacala kuChili njengoba uhlose ukumenza ufakazi wombuso.

Njengokujwayelekile, inkantolo ibigcwele ichichima namuhla ngoLwesithathu, amalungu emindeni nabangani bezisulu beyozizwela ukuthi kwenzekani ngaleli cala.

UChili udedela udedelwa nje, namuhla bekulindeleke ukuba kulalelwe isicelo sebheyili sikaMthethwa, kwazise phambilini wayenqabile ukusifaka, okuthe ekuhambeni kwesikhathi wasiguqula isinqumo sakhe.

Kuzokhumbuleka ukuthi UChili, ngesikhathi efaka isicelo sebheyili, waveza ukuthi empeleni nguMthethwa owadubula laba besifazane.

NGUMNU Sandile Chili (ofake okumnyama) noMnu Lungani Mthethwa beseNkantolo yeMantshi yaseThekwini.
Isithombe: 1KZNTV News

Ezisematheni

Ugabe ngesipiliyoni sebhizinisi ongenele ukhetho

UGABE ngesipiliyoni sokuthuthukisa umphakathi nokuba ngusomabhizinisi ovelele uMnu Roy Moodley oneqembu elikhankasela ukhetho lohulumeni basekhaya ezindaweni ezahlukene KwaZulu Natal i-African Movement Congress. UMoodley engxoxweni neLANGA uveze ukuthi isipiliyoni...

UHlabisa nesicelo emakhosini asendlunkulu

UNGQONGQOSHE wezokuBusa ngokuBambisana neziNdaba zoMdabu (COGTA), kuZwelonke, uMnu Velenkosini Hlabisa, usenxuse amakhosi ukuthi avikele izinhlelo zentuthuko, ezilethwa nguhulumeni emiphakathini, ukuthi zingacekelwa phansi. Ubekhuluma ngoLwesithathu, ngesikhathi...

‘Iqukethe amanyundululu’ incwadi efungelwe kaMatlala

KUVELA amagama osopolitiki, izikhulu zamaphoyisa nokuhlomula ngenkontileka yohlelo lweNational Health Insurance (NHI), encwadini efungelwe, egcine isabalele ezinkundleni zokuxhumana kaMnu Vusimuzi “Cat” Matlala (osesithombeni). Ngale ncwadi uMatlala wayefuna...