UQGEMEKE engeqiwa ntwana umkhakha wezokulingisa kuleli kudlula emhlabeni inkakha uDon Mlangeni Nawa.
Ngokusho kwesitatimende esithunyelwe wumndeni wakhe, uNawa udlule emhlabeni namuhla ngoLwesithathu ekuseni.
Lo mlingisi wazakhela udumo eminyakeni edlule elingisa indawo kaMhlongo emdlalweni iHlala Kwabafileyo. Uke wabonakala nakweminye imidlalo okubalwa kuyona iSgudi Snaysi neSidingo.
Umndeni umchaze njengomuntu obenothando, ehlonipha futhi ebakhathelela abantu abaseduze naye. Umndeni wakwaNawa uthi izinhlelo zenkonzo yesikhumbuzo nomngcwabo zizomenyezelwa ngokuhamba kwesikhathi.
Ubonge nemiyalezo yenduduzo elokhu ingena ilakanyana evela kubantu abehlukene ngokudlula emdlabeni kukayise wekhaya.
