LIBUYELA enkantolo icala lokushushumbisa imali nokuthatha ngodli imali kosomabhizinisi elibhekene nosomatekisi waseMpumalanga uMnu Joe Sibanyoni (osesithombeni), nabathathu asolwa nabo.
Ngokusho kukaMnu Kaizer Kganyago, okhulumela iNational Prosecuting Authority (NPA) uthi uma leli cala selibuyela enkantolo ngoLwesine, ngeke lisabuyela eNkantolo yeMantshi eKwaggafontein, kodwa selizothuthelwa eNkantolo yeMantshi eDelmas.
Leli cala lakhishwa yiMantshi uMnu Tuletu Tonjeni mhla ka-18 kwephezulu, kokuba umshushisi wombuso uMnu Mkhuseli Ntaba engakwazanga ukufika enkantolo. Imantshi yaphinde yakhipha umyalelo wokuba kuboshwe uNtaba.
Laba balisa abane basolwa ngokuthatha ngodli imali engaphezulu kuka-R2 million kusomabhizinisi wendawo, osemkhakheni wezimayini.
I-NPA ithi iMantshi yaseKwaggafontein yenza iphutha ngesinqumo sayo, futhi isiphonsela inselelo enkantolo ephakeme. Kunemibiko ethi esinye sezizathu ezenza uNtaba wangakwazi ukufika enkantolo yingoba wayethola izinsongo, esatshiswa ngokubulawa.
