Kuzobe kuminyene utshumo ngoLwesihlanu eMgungundlovu, ngaphandle kwamahhovisi eNgonyama Trust, njengoba kulindeleke ukuthi izinkumbi zamabutho kaZulu, zibuthane khona.
Ngokwesitatimende esikhishwe nguMntwana uVanana Zulu, njengoMdidiyeli wamabutho kaZulu, kukhona izimpendulo abazifunayo kwiNgonyama Trust Board, lena esihlakazwa.
UMntwana uVanana, uthi bazobe beyoqhingqa, hhayi ukuyobanga umsindo.
Uthi bameme bonke abahlomulayo kwiNgonyama Trust, nabathintekayo ekusebenzeni kwayo.
Phakathi kwezinto abafuna ukucaciselwa zona, yisithunzi seSilo uMisuzulu kaZwelithini, njengoSihlalo weNgonyama Trust.
Bafuna ukuchazelwa ngeqhaza namandla eNgonyama Trust Board, okuwuhlaka olulawula iBhodi.
Ukucaciselwa ngamalungelo abahlomula kwiNgonyama Trust nakho kuseqhulwini.
Abazobe beqhinqile bafuna ukuchazelwa futhi kucaciswe ngezinsolo zokuthi omunye umhlaba ongaphansi kweNgonyama Trust, wathengiswa ngo-R22 million.
Bakhala nangokuthi iSilo sisathamele imihlangano emithathu kuphela yeNgonyama Trust, ekubeni kuyisona okufanele sibize imihlangano njengoSihlalo weBhodi.
