INTATHELI YELANGA
LIZOBHEKANA neColombia U-20 ngoLwesithathu ngo-21h30 kwiLast 16 yeNdebe yoMhlaba yeFifa ka-under 20 iqembu lesizwe laseNingizimu Afrika, AmaJita eliwelele kulesi sigaba ngokuhlula i-USA U-20 ngo-2-1 kowokusonga isigaba samaqoqo izolo ngeSonto.
Kowokuvula, AmaJita – aqede elele endaweni yesibili, yize ebelingana ne-USA, neFrance ngamaphuzu awu—6 – liguqiswe yiFrance ngo-2-1, labuyisa isithunzi ngokubhudluza iNew Caledonian ngo-5-0. Kowayizolo, ezikaTrump zigadle kuqala, uNoah Cobb elivalela phakathi ngomzuzu ka-12.
AmaJita abuye ngomkhonto ogwaze ekhaya kaJoshua Wynder, ngoka-17. Elokuhamba phambili lize noGomolemo Kekana ngesikhathi somusa kanompempe wesiwombe sokuqala. Kukhulunywa eyokuthi elakuleli ligcine liwunqobile lo mdlalo nje, kungenxa kanozinti walo, uFletcher Smythe-Lowe ovimbe inqwaba yamabhola amabi abethunyelwa yizitha.Â
