IQEMBU laseNingizimu Afrika lika-U/20, AmaJita, lisethubeni lokuzifaka emlandweni uma selibhekene neMorocco kowamanqamu weCaf U/20 Africa Cup of Nations Cup (Afcon) eSuez Canal Stadium, e-Egypt, ngeSonto, ngo-20h00 ebusuku.
Amajita adlulele kowamanqamu ngokushaya iNigeria ngo-1-0 wegoli likaTylon Smith izolo ngoLwesine kusihlwa enkundleni efanayo.
Leli qembu likaRaymond Mdaka khombise isibindi nethalente elibabazekayo kulo mqhudelwano, ekubeni belinganikwa lutho kule midlalo. Selivele lizibekisele indawo kwiFIFA U/20 World Cup, ezokuba seChile ngasekupheleni kukaMandulo.
IMorocco ifinyelele kowamanqamu weCaf Afcon U/20 ngokuguqisa osokhaya ngo-1-0.
*ASEWONKE amazwe azokube edlala kwiNdebe yoMhlaba yeFIFA U-20:– Yi-Egypt, iNigeria, iMorocco, neSouth Africa (AmaJita) asuka e-Afrika.
Europe (UEFA): Italy, France, Ukraine, Spain, Norway
Asia (AFC): Saudi Arabia, Japan, South Korea, Australia
North America (Concacaf): USA, Mexico, Cuba, Panama
South America (CONMEBOL): Argentina, Brazil, Colombia, Paraguay, Chile (hosts)
Oceania (OFC): New Zealand, New Caledonia
