AMAPHOYISA aseHibberden KwaZulu Natal acela ukufuniswa izihlobo noma ongaba nolwazi ngowesifazane ongaziwa otholakale eseshonile emgwaqweni onguthelawayeka u-N2 ngase-Ifafa.
Ngokusho kwamaphoyisa lona wesifazane utholakale ngoLwesine mhla ka-13 kuFebruary 2025 enamanxeba okudutshulwa.
Amaphoyisa adalule ukuthi lona wesfazane ubegqoke ibhulukwe eli-brown lendwangu ye-leather nesikibha esimhlophe esibhalwe ukuthi Paris.
Aqhube ngokuthi uyakhanya ngokwebala, uphakathi nendawo ubude futhi unezinwele ezimfishane.
Kunxuswa noma ngubani ongaba nolwazi noma onesihlobo esilahlekile esichazeka ngale ndlela ukuba axhumane noKaputeni Moodley kulezi zinombolo zocingo: 082 339 7842/ 039 699 9811
