BALAHLWE ngelakubo abesilisa abathathu abatholane phezulu ngezulu lezandla namaphoyisa eXopo namuhla ngoLwesine ngezithuba zantambama.
Kubikwa ukuthi amaphoyisa athole umkhondo ngezobunhloli mayelana nabasolwa abebehlela itulo lokubamba imoto yemali. Abasolwa bacushelwe umgoga, okuthe uma bemiswa ngamaphoyisa bakuziba lokho, kunalokho badonsa izibhamu, baqala ukudubula bebhekise kuwona. Nawo amaphoyisa aphendule ngenhlamvu.Â
Kulesi sigameko kushone oyedwa wabasolwa, kwathi ababili bakhalelwa ngamasongo kaS’gonyela, benamanxeba okudubuleka.Â
Abasolwa bayanyaniswa nezigameko zokubanjwa kuqhunyiswe imoto yemali eMlazi naKwaMashu. Esigamekweni sanamuhla, kutholakale izibhamu ezimbili kubasolwa.
