UNDUNANKULU wakwaZulu-Natal uMnu Thami Ntuli noMnyango wezokubusa neziNdaba zoMdabu , bazobe behambe namakhosi ezizwe beyohlangana nezinsizwa emahostela esifundazweni eGauteng.
Umcimbi usehostela eBuyafuthi eGoli kusasa ngoMgqibelo.
Ngokwesitatimende esikhishwe uhulumeni wakwaZulu-Natal, inhloso enkulu yalo mcimbi ngukuthi kwakhiwe ubumbano, uzwano, ukubuyisana, ukulwisana nodlame lobugebengu kubahlali basemahostela.
UNdunankulu uMnu Thami Ntuli uthe kuyogqugquzelwa ubuntu nobunye.
Uthe lomcimbi uzobe uhlanganise amahostela ahlulakahlukene ahlala abantu bakwaZulu-Natal.
Uveze nokuthi kuhloswe ukukhuzwa nezimpi.
Ngakolunye uhlangothi uNdunankulu waseGauteng uMnu Panyaza Lesufi, kuthiwa naye uzobe eyingxenye yalo mcimbi.
Uhulumeni wakwaZulu-Natal uzobe ehamba neNdlunkulu namakhosi.
