UKHALELWE ngamasongo kaSgonyela umama ka-Chidimma Adetshina uNkk Anabela Rungo oficwe ngamaphoyisa esemzini oseCape Town ngoMgqibelo.
UNkk Rungo waphucwa umazisi wakhe waseNingizimu Afrika ngonyaka owedlule ngemuva kokuvela kwezindaba zokuthi wabe ewuthole ngokungemthetho.
Ngokubika kweTimesLive uNkk Rungo wabe engasenalo ilungelo lokuba seNingizimu Afrika kulandela ukuphucwa lo mazisi ngoMandulo nyakenye nokwase kumbeka njengoba owabe engasenalo ilungelo lokuba kuleli lizwe.
Kubikwa ukuthi amaphoyisa ngesikhathi elanda uNkk Rungo afice nendodakazi ka-Chidimma encane okuvele ukuthi idluliselwe emphoyiseni ngaphansi kophiko lweSAPS Child Protection.
Kuzokhumbuleka ukuthi udaba luka-Chidimma lwaba sematheni ngonyaka owedlule ngesikhathi engene uMiss SA nokwavela ukuthi akayena owaseNingizimu Afrika.
Kwavela ukuthi uzalwa ngabazali uyise waseNigeria nonina waseMozambique nokwavela ukuthi kwayena ukuleli ngongemthetho.
Lokhu kwaphoqeleka ukuba ahoxiswe kulo mcimbi kaziwe wakuleli.
Kuzokhumbuleka ukuthi ngemuva kwalokhu wafudukela eNigeria nokuyilapho angenela umcimbi kaMiss Universe Nigeria wasinqoba lesi coco.
Wadlulela phambili wayomela izwe laseNigeria emcimbi kaMiss Univere 2024 nokuyilapho aphuma khona isibili.
