LUCKY CAIN
I-IFP izwakalise ukwethemba ubuholi bemeya entsha yaseNdumeni, uMnu Mcebo Mkhize, eqokelwe kulesi sikhundla esivuleke emuva kokushiya kukaMnu Siyabonga Ndlovu owasola amaluygu eqembu lakhe (i-IFP) ngokuhlangana “nezitha” ngenhloso yokumketula.
Leli qembu liveze ukuthi kusho lukhulu ukuqokwa kukaMkhize kulesi sikhunda futhi liyethemba ukuthi uzokwenza umsebenzi omuhle. Limuncome ngokuzinikela kwakhe ekusebenzeleni umphakathi nokungashalazeli izidingo zentsha.
Okhumela leli qembu, uMnu Mkhuleko Hlengwa, uthe bamfisela okuhle kodwa uMkhize kulesi sikhundla. Uqhube ngokuthi bafisa ubuholi bakhe bube yisibonelo nakumalungu omphakathi owakhele lo masipala, ukuze uthuthuke futhi nempilo yawo ishintshe.
