UNGQONGQOSHE wezeMali KwaZulu-Natal, uMnu Franscios Rodgers, useyalele uMnyango wezokuThutha esifundazweni ukuthi umise wonke amathenda okuthutha izingane zesikole.
Ukusho lokhu esithangaminsi sabezindaba ebesiseThekwini, ngoba ethi kusenophenyo oluqhubekayo ngenkohlakalo ebikwayo ngalolu hlelo lokhishwa kwamathenda, okuthiwa yenziwa yizikhulu zomnyango.
“Bangu-700 000 abafundi abathuthwayo ngalolu hlelo, izikole zingu-400, kanti umnyango unesabelomali sika-R340 million, ukubhekela ukuthuthwa kwabafundi,” kusho uMnu Rodggers.
Kube nezikhalo zokuthi abanye abathola amathenda okuthutha izingane zesikole, izimoto zabo kaziholwa ukuthi zisesimweni esifanele yini, ngoba izikhulu ezikhipha amathenda zisuke zigwazelwe.
menzi.jele@ilanganews.co.za
