ASEZONEKELWA izwe amagama abo bonke abalahlwa ngamacala ocansi eNingizimu Afrika.
Ngokubika kwe-eNCA kusukela ngenyanga ezayo amagama alabo abalahlwa yila macala amagama abo asezohlala obala njengoba ezoshicilelwa kumqulu weNational Register For Sex Offenders.
Ukushicilelwa kwala magama kuthathwa njengokunqoba kwizinhlangano ezizimele ikakhulukazi ezilwela abesifazane nezingane.
Lesi simemezelo siqhamuka ngemuva kokuvela kwezinombolo ezishaqisayo ezithi babalelwa ku-16 000 othisha asebeke baboshwa ngamacala ahlukene athintra awocansi nokubulala.
UJuanita du Preez okhulumela i-Action Society yilo mthombo wezindaba ethi lesi simemezela sifike ngesikhathi bengasalindele.
Uthe kuyabathokozisa ukuthi izwe selizokwazi futhi lizibonele amagama alabo abasuke belahlwe ngamacala aphathelene nocansi.
Uthe phambilini bekumele kufakwe isicelo ukuze abantu babone amagama alaba bantu.
Uthi okuhle ngalesi simemezelo wukuthi asisekho isidingo sokufaka isicelo njengoba amagama asezobonakala kalula emphakathini.
