ADEDELWE ngebheyili yiNkantolo yeMantshi yase-Richards’ Bay amalungu amahlanu e-EFF okubalwa kuwo nosihlalo waleli qembu esifundazweni uMnu Mongezi Thwala.
Lawa malungu okungo-Mnu Sabelo Khubisa, Simphiwe Ndlela, Simo Gumede, Vusimuzi Cele no-Thwala badedelwe ngebheyili ka-R5000 umuntu ngamunye emacaleni okucekela phansi impahla kamasipala waseMhlathuze kanye nokushaya ngenhloso yokulimaza.
Lokhu kwenzeka ngeledlule ngesikhathi amalungu e-EFF egasela emahhovisi alomasipala efuna kukhiswe ohlwini lwamakhansela omkhandlu amakhansela aleliqembu amathathu abathi bawaxosha.
I-EFF ithi lawa makhansela axoshwa ngemuva kokuhluleka ukugcwalisa amabhasi amalungu ayezohambela omunye wemicimbi kaZwelonke yeqembu, iwasola nangokudla imali yabakhokhi bentela isebenzisa igama le qembu ekubeni axoshwa.
UThwala nalaba abahlanu kulindeleke ukuba babuyele kuyo lenkantolo ngomhlaka 4 ku-March.
