INKANTOLO ePhakeme yaseGoli isigwebe iminyaka ewu-20 umuntu emunye abantu abawu-7 bomdabu waseChina ngamacala okushushumbisa abantu, ukuthumba nokuphoqa abantu ukusebenza ngenkani.
Laba baboshwa ngamaphoyisa ophiko lwamaHawks ngo-2019, ngemuva kokutholakala kwezisulu eziwu-91 zaseMalawi, okubalwa kuzona nezingane eziwu-37, ezaziphoqwa ukusebenza enkampanini ethile eGoli. Inkantolo inqume nokuthi inkampani ebandakanyeka kulesi sigameko ikhokhe inhlawulo ka-R300 000.
UKevin Tsao Shu-Uei, uChen Hui, uQin Li, uJiaqing Zhou, uMa Biao, uDai Junying, noZhang Zhilian balahlwe ngamacala awu-160 ngoNhlolanja (February).
Ethula isinqumo sakhe, uJaji DAvid Mhlongo uthe umbuso wethule ubufakazi obungangabazeki. Uncome ukwethembeka kofakazi, nomsebenzi owenziwe ngamaphoyisa ukuphenya izinsolo nokubopha abasolwa.
