KUBIKWA ukuthi bangaphezulu kuka-22 000 abantu bangaphandle abagqunywe emajele aseNingizimu Afrika, kanti abawu-690 babo badonsa odilikajele.
Ngokusho kukaNkz Anthea Ramaboleng, ongusihlalo wekomidi elibhekelele ezokuhlunyeleliswa kwezimilo ePhalamende, agcwele ayachichima amajele akuleli njengoba eneziboshwa eziwu-156 000, ekubeni imibhede iwu-105 474.
UMnyango wezokuHlunyeleliswa kwesiMilo uchitha u-R500 ngosuku ukugcina isiboshwa sisinye.
Kubikwa ukuthi kwamanye amajele, ziningi kakhulu iziboshwa ezivela ngaphandle ukwedlula ezakuleli.
Lokhu kusho ukuthi abakhokhintela bakhokha u-R11.3 million ngosuku ukugcina nokubhekelela abantu bangaphandle (22 000) ababoshwe emajele akuleli. Le mali ilinganiselwa ku-R4 billion ongonyaka.
