PHUMLANI GAMA
BABIKELE uNdunankulu waKwaZulu-Natal, uMnu Thami Ntuli, izingqinamba abahlangabezana nazo nsuku zonke uma bedinga izinsiza eziqondene nabo abantu abaphila nokukhubazeka baseRichmond namaphethelo.
UNtuli ehambisana noSomlomo wesiShayamthethwa saKwaZulu-Natal, uNkk Nontembeko Boyce, noNgqongqoshe wezeNhlalakahle esifundazweni, uNkk Nonhlanhla Shinga, bebeyingxenye yomcimbi wokugoqwa kwenyanga yokubungazwa kwabantu abaphila nokukhubazeka ngoLwesibili, eRichmond Indoor Sports Center.
UMnu V Dlamini, ongusihlalo womkhandlu obhekelele abantu abaphila nokukhubazeka, uthe sekuyisikhathi eside bengena bephuma abaholi kwikhabhinethi yesifundazwe, kodwa akekho noyedwa umholi osondele kubantu abaphila nokukhubazeka.
Uthe bayakudinga ukulalelwa futhi bayadinga ukwazi nangezinhlelo ezikhona maqondana nokwabiwa nemali eqondene nabo.
