LIHLEHLISELWE uMsombuluko icala elibhekene nonina wengane eneminyaka emine yaseNewclare, eGoli, ebonakale kwi-video ibenyiswa isidakamizwa iMandrax.
Unina wale ngane nababili asolwa nabo bavelile ngoLwesine eNkantolo yesiFunda yaseGoli, bathweswa amacala okuhlukumeza nokuzama ukubulala. Kuvele ukuthi sekwengezwe nomunye umsolwa wesine.
Isuse umsindo ezinkundleni zokuxhumana i-video esabalale ezinkundleni zokuxhumana ekhombisa le ngane ilayithela unina izidakamizwa, bese eyiyalela ukuba ibheme nayo.
Ingane ihanjiswe esibhedlela ukuyohlolwa, yase iyobekwa endaweni ephephile.
