BAYANYANISWA nezigameko zobugebengu nokuhlukunyezwa komphakathi abesilisa abayisihlanu okunezinsolo zokuthi babulawe ngamalungu omphakathi, usukhathele wukubekezelela ukuziphatha kwabo budlabha.
Izidumbu zabafi zitholakale zinamanxeba okushaywa nokugencwa enkundleni yezemidlalo eNanda, eThekwini, namuhla ngoLwesithathu ekuseni.
Kubikwa ukuthi abafi bangenelwe ngamalungu omphakathi, abezifihle ubuso, abakhipha ezindlini, maqede bayoshaywa, babulawa.
Bayanyaniswa nanezigameko zokunukubezwa ngokocansi kwabantu besifazane kule ndawo, okubikwa ukuthi bekudla lubi ngenyanga kaZibandlela (December) nyakenye.
Ingxenye yamalungu omphakathi akhulume naleliphephandaba, ngaphansi kombandela wokuba kugodlwe imininingwane yawo, iveze ukuthi indaba yabafi ibisibami emphinjeni.Â
