NONHLAKANIPHO SHINGA
BAZOFIHLWA kusasa abashone engozini yemoto emoto eyenzeke endaeni yaseMandaba eNkandla.
Ngokusho koMnyango wezokuThutha, KwaZulu-Natal, oholwa nguMnu Siboniso Duma, inkonzo yomgcwabo ozobe wenganyelwe nguhulumeni wesifundazwe,izobanjelwa enkundleni yemidlalo eManyala ku-ward 6, eMahlayizeni khona eNkandla.
Kuzokhumbuleka ukuthi le ngozi enyantisa igazi yenzeke ekuseni ngoMsombuluko belibangise emshadweni.
ILANGA like labika ukuthi imindeni yabashonile kuthiwa beyimanqika ekungeneleleni kukahulumeni uyhi ufuna ukuzifihlela izihlobo zawo.
NgoLwesihlanu ntambama kube yima umnyango kaMnu Duma uqinisekisa ukuthi kuzongenelela uhulumeni ekufihlweni kwabashonile. Laba abashonile kuthiwa baphinde babe yizihlobo zenkosi uBiyela waseMahlayizeni.
nonhlakaniphos@ilanganews.co.za
