KUVELA ukuthu bebefunelwa inqwaba yamacala abasolwa abane abafe emva kokudubulana namaphoyisa emgwaqweni uDumisani Makhaye ngaKwàMashu.
Phakathi kwamacala okuthiwa bebefunelwa wona, kubalwa awokubulala, awokubamba inkunzi nawokufuna imali ngempoqo kubantu. Kudingeke ukuthi zijikiswe izimoto ezisebnzisa lo mgwaqo njengoba ubuvaliwe.
UColonel Amanda Funani, ekhuluma nabezindaba endaweni yesigameko, uveze ukuthi amaphoyisa abevele ebalandela abasolwa, behamba ngeVW Polo ebomvu, besuka KwaMashu, okuthe uma ebamisa, badubula bebhekide kuwona.
Uthi amaphoyisa abe esephindisela. Abathathu kubasolwa bafele emotweni, kwathi oyedwa waphuma wabaleka kodwa waphelela endleleni.
UCol Funani uthe emotweni kutholakale izibhamu ezimbili, kwathi esesithathu satholakala kumsolwa ozame ukubaleka.
