AMALUNGU ompha-kathi waseMatikwe, eNanda, athi liphu-me nobomvu ngo-kudutshulwa kubulawe abasolwa aba-wu-4, ngamaphoyisa ngoLwesibili ebusuku.
Kuthiwa babulawa nje, bebewuhlalise kabi umphakathi wakule ndawo, njengoba bebeyibamba inku-nzi emini kwabha, nge-zikhali eziyingozi.
Amalungu omphakathi wakule ndawo abhale ezinkundleni zokuxhumana eza-hlukene, ezwakalisa ukujabula kwawo ngokubulawa kwalaba.
ILANGA likhulume namanye amalungu omphakathi emuva kwalesi sigameko, aveze ukuthi bebewuhlupho emphakathini ngokubamba inkunzi. Umphakathi uve-za lokhu nje, ngoLwesibili amaphoyisa adubule abulala laba besilisa eMatikwe esigamekweni esenzeke ebusuku.
Ngokwesitatimende esikhishwe ngamaphoyisa, abasolwa bebefunelwa amacala okubulala, ukuzama ukubulala, nawo-kubamba inkunzi kuhlonyiwe.
Amaphoyisa abike ukuthi abelandela umkhondo owaholele emjondolo ongamagumbi amabili obunabasolwa. Kubikwa ukuthi athe uma efika amaphoyisa kwaba nokudubulana phakathi kwawo nabaso-lwa, okugcine ngokuthi basale enkundleni bobane.
Amaphoyisa aveze ukuthi endlini obe-kucashe kuyona abasolwa, kutholakale izibhamu nezinhlamvu. Kulokhu kudubulana, awekho amaphoyisa alimalile.
Umthombo okuleya ndawo uveze ukuthi amaphoyisa agasele ngezithuba zabo-9 ebusuku.
“Ngithe uma ngiphuma emnyango ngi-zwa ukuqhuma kwezibhamu, ngabona inqwaba yamaphoyisa abepake izimoto ngaphandle. Uhlobo lwezibhamu ebezi-qhuma laphaya, bekuzwakala ukuthi ezi-nkulu. Sithe uma sibona, sasola ukuthi yibona laba bafana ngoba siyabazi ukuthi bayahlupha futhi sebekhathazile empha-kathini,” kusho umthombo.
Ilungu lomphakathi elikhulume neLA-NGA ngaphansi kombandela wokuthi li-ngadalulwa, liveze ukuthi abasolwa bebaziwa ngokubamba inkunzi emphakathini, futhi lokhu bebekwenza emini abantu be-buka bephatha izikhali eziyingozi.
Liveze ukuthi lo muzi abadutshulelwe kuwona, ngokanina omdala womunye wa-babulewe ogama lakhe nguSbonelo odu-me kakhulu “ngelikaWah” emphakathini, esingatholakalanga isibongo sakhe.
“Lezi zingane beziwuhlupho emphaka-thini, khona kubuhlungu ikakhulu kubazali bazo ngoba bebezikhuza ngalokhu kuga-nga. Yize ngingabazi kahle izibongo zabo, kadwa abantu abebesendlini bekungoSbo-nelo, uSanele (esingatholakalanga isibo-ngo sakhe), omunye odume ngelikaBhele bese kuba uSfiso Mngongoma.
“Abanye babo bebengahlali eMatikwe kodwa bebehlala eMzinyathi, oyedwa wabo umndeni wakhe uke wahlala lapha kodwa usuthuthele eMzinyathi. Bonke laba bebaziwa ukuthi alufakwa.
“Amalungu omphakathi ajabule ngokubulawa kwabo ikakhulukazi lawa abehlukunyezwa, ebanjwa inkunzi. Lona okuthiwa uSfiso bese sizitshela ukuthi uzoyiyeka lento ngoba usanda kuphuma e-rehab, ngenxa ye-whoonga.
“Uphume sazitshela ukuthi ngeke esa-qhubeka nokuganga, okubuhlungu ukuthi lezi zingane bezikhuzwa ngalokhu kuga-nga kwazo,” kusho ilungu lomphakathi. skhom@ilanganews.co.za
