I-ACTION SA isifake isicelo isebenzisa umthetho i-Promotion of Access to Information Act, ukuba kuphoqwe i-Independent Police Investigative Directorate (Ipid) ukudedela umbiko wayo ngokwebiwa kwezizumbulu zamadola aseMelika ephulazini likaMengameli Cyril Ramaphosa iPhala Phala.
Phambilini uNgqongqoshe wamaPhoyisa uMnu Willies Mchunu wathi lo mbiko uqukethe ulwazi olubucayi, ngakho-ke ngeke uvuleleke emphakathini.
Ngokwemigomo elawula ukusebenza kwePhalamende, phakathi kwezinto okuthiwa zingenza umbiko ugcinwe uyimfihlo wukuthi ungaholela ekuqubukeni kwempi, nasekulimaleni kobudlelwano namanye amazwe.
I-Action SA ithi kwalona iPhalamende kalikho ngaphezulu komthethosisekelo wezwe.
“Kuyishwa ukuthi abahlali naseNingizimu Afrika kubukeka sengathi baphindwa wokwabehlela, lapho ongqongqoshe bamaphoyisa kubonakala sengathi baxhaphaza amandla omthetho ukuvikela omengameli, lapho ngisho o-swimming pool kuthiwa ngabokucima umlilo,” kusho isitatimende se-Action SA,” esho.
Lokhu kuza ngemuva kokuka uMvikeli woMphakahi u-Adv Kholeka Gcaleka neSouth African Reserve Bank bekhiphe imibiko yokuthi kabatholanga lutho olungalungile olwenziwa uRamaphosa kulolu daba.
