IQEMBU lezepolitiki i-Economic Freedom Fighters seliveze ukuthi lizobabela inkantolo ukuphoqa uMnu Jacob Zuma akhokhele izindleko zabameli balo kulandela ukuphuma phambili emacaleni elaliwavulele yena.
Ngokubika kweSABC i-EFF isola uZuma ngokubalekela izikhonzi zenkantolo eziqukethe amaphepha amyalela ukuba akhokhe.
Ngonyaka owedlule ngoLwezi i-EFF yayalela abameli bayo ukuba bamatanise umuzi kaZuma oseNkandla nesikweletu sika-R1.3 million asikweleta lona.
Lokhu kuthinta icala lombiko woMvikeli womphakathi omayelana nomuzi kaZuma waseNkandla nokudluliselwa kwalo phambili.
Kukhona kokubili ukuhlala kwala macala uZuma wachithwa wayalelwa ukuba akhokhele abameli bameli qembu.
I-EFF ikhala ngokuthi uZuma ushaya indiva lezi zinqumo zenkantolo njengoba engakakhokhi.
Leli qembu selifuna lesi sikweletu simataniswe nomuzi kaZuma oseNkandla ngenhloso yokumphoqa akhokhe.
Okhulumela leli qembu ucashunwe ethi basola ukuthi uZuma ubalekela izikhonzi zenkantolo njengoba zingamtholi.
