AKUKHO okuphathekayo okulindelekile emaqenjini aphikisayo, kwinkulumo-mpikiswano yokwetshisa inkulumo yesizwe eyethulwe nguMengameli uCyril Ramaphosa eCape Town, ngoLwesine.
Lokhu kuzwakaliswe ngumhla-ziyi wezepolitiki, uMnu Zakhele Ndlovu, njengoba kusukela namhlanje ngoLwesibili nangoLwesithathu, amaqembu asePhalamende ezobeka imibono neziphakamiso zawo ngale nkulumo, ethathwa njengomhlahlandlela ezinhle-lweni zikahulumeni zonyaka wemali ka-2026/27
UNdlovu uthe ukuhlangana kwamaqembu ahlukene ukwakha uhulumeni wenhlanganisela, kwenza amaqembu aphikisayo antengantenga.
“Uma ubheka amaqembu abebukeka ekwazi ukuphikisa, futhi aqhamuke neminye imibono ukulwa nokuzenzela kwe-ANC, akhe-tha ukuhlangana ukwakha uhulumeni ophethe njengamanje.
Njengoba kuzoba nezinkulumo-mpikiswano, kangiboni la maqembu afana neDA, ne-IFP, neVF Plus, ezokwazi ukusho okwehlukile ngaphandle kokuvumelana nakho konke okushiwo ngumengameli ngeledlule,” esho.
uNdlovu uthe lawo asala ngaphandle kakukho okuphathekayo aqhamuka nakho uma ephikisa uhulumeni, ngaphandle kokulwa izimpi ezingahlangene nokuphatha izwe.
“Iqembu elifana neMK Party, okuyilona elibukeka njengeqe-mbu eliphikisayo ngokusemthe-thweni, liyehluleka wukuphikisa ngokusemthethweni, libeke oba-la ukwehluleka kwalo hulumeni, kunalokho liyaphikisa ngapha-ndle kokuveza okuphathekayo.
“Kuyadumaza ngoba linabantu abanaso isipiliyoni ekuphathweni kwezinhlaka zikahulumeni nasePhalamende.
“Abakwaziyo wukulwa noRamaphosa ngezinto ezingaliyisi ndawo izwe, futhi kakukho eli-khombisa ngakho ukuthi lona li-ngenza kangcono kunalo hulumeni,” kusho uNdlovu.
Uthi ne-EFF ukuphikisa kwayo kakunasisekelo.
“Uma uphikisa noma ungaha-mbisani nokwenziwayo, kunga-kuhle ukuthi uqhamuke nezinto eziphathekayo. Usho nokuthi wena yikuphi ongakwenza ngcono, noma obona ukuthi uhulumeni makagxile kukhona,” esho.
Uthi emaqenjini ayingxenye yalo hulumeni, kuzoba nzima ukusho okuphambene nale nkulumo ngenxa yokuthi ayingxenye yawo. Uthe lokhu kungase kube nomthelela omubi njengoba kuyi-wa okhethweni lohulumeni basekhaya.
“Kumanje abantu bayakhala ngamanzi, nangeyobugebengu, nethinta abokufika ngokunge-mthetho, iyiva esilondeni,” esho.
Usole uRamaphosa ngokuba ngumengameli onezethembiso ezingafezwa.
Ngelizayo uNgqongqoshe wezeMali, uMnu Enoch Godo-ngwana, uzokwethula isabelomali esizocacisa ngokufezeka kwezi-nye zezinhlelo ezethuliwe.
Bheka nasekhasini 10.
